Nasa 55K violator naitala sa Alert Level 3 NCR — PNP

Manila, Philippines – Naitala ang 55,000 quarantine violator sa National Capital Region (NCR) buhat nang ipatupad ang Alert Level 3, batay sa datos ng Philippine National Police (PNP).

Sinabing may kabuuang 54,971 violator ang nakalap sa Metro Manila kasama na ang bagong 8,834 na naiulat.

Pumalo naman ang average nito kada araw sa 9,162 violators.

Dito, nasa 55% ang binigyan ng babala; 37% ang pinagmulta; habang 8% ang naparusahan.

Sa datos ng curfew, may kabuuang 14,126 violator o 2,354 ang araw-araw na naitatala sa Metro Manila. RNT/FGDC

Nasa 55K violator naitala sa Alert Level 3 NCR — PNP
Source: Filipino Pinoys