Mandatory COVID vax sa labor-intensive sectors isinusulong

MANILA, Philippines – Nais ni Presidential Adviser for Entrepreneurship Joey Concepcion na gawing mandatory ang pagbabakuna kontra COVID-19 sa mga empleyadong nasa labor-intensive sectors.

Ayon kay Concepcion, mas mataas ang banta ng hawaan sa naturang sektor katulad na lamang sa business processing outsourcing (BPO) at semi-conductor firms.

“What I suggested to Bello dito sa mga lugar na labor intensive at mga frontliners, waiters, merchandisers dito sa mga supermarkets, mga retail stores, close contact ‘yan sa mga customers and they should be vaccinated,” sinabi ni Concepcion.

Sa panayam naman ng TeleRadyo, sinabi ni Concepcion na maging ang mga manggagawa sa restaurants, salon, spa, gym at sinehan ay dapat ring mabakunahan na.

“We are requiring all customers to be vaccinated. Kung isang waiter ay hindi bakunado at ayaw niyang magpabakuna anong magagawa ng isang may-ari ng restaurant? Nalulugi nga sila sa halos kadaming lockdown so ang mangyayari dito iuurong na lang siya sa backend of the operation at hindi tama ‘yan,” aniya.

Sa kabilang banda, inihayag ni Concepcion na pinag-iisipan rin ni Bello ang kahalintulad na panuntunan ngunit nangangailangan pa umano ng mas malinaw na guidelines kung ipatutupad.

“The entire private sector, mga business organizations are supporting that move to give leeway to the owners of these restaurants… and even in the labor intensive sector, importante din ‘yan.”

“It would be good for IATF to really come out with a clear policy on this para at least yung may-ari ng mga negosyong ito will be able to fulfill that part na keeping the business establishments safe,” dagdag pa niya.

Pakikinggan niya rin umano ang saloobin ng ilang empleyadong nagrereklamo na hindi umano pasasahurin ng kanilang employer kung hindi pa rin nababakunahan.

“At this point in time it is not legal to do something like that. I’ve not heard of any incident at ‘yung percentage ng jabbing namin sa bakunang binili namin halos umaabot kami ng 90 to 100 percent sa private sector, so successful naman ang vaccine acceptance,” pahayag ni Concepcion.

Sa impormasyon ng Trade Union Congress of the Philippines, nakatanggap sila ng report na 12 food service workers ang hindi pinasahod dahil sa ‘no vaccine, no salary’ scheme. RNT

Mandatory COVID vax sa labor-intensive sectors isinusulong
Source: Filipino Pinoys