PhilHealth sa mga employer: Kontribusyon ng mga empleyado i-remit sa tamang oras

MANILA, Philippines- Pinaalalahanan ng Philippine Health Insurance Corporation (PhilHealth) ang employers na i-remit ang kontribusyon ng mga empleyado “on time.”

“In commemoration of Labor Day and in honor of our workers’ hard work, we would like to remind all employers, both public and private, to remit and report your employees’ PhilHealth premiums on time,” panawagan ni PhilHealth acting president and chief executive officer Emmanuel R. Ledesma Jr. nitong Lunes.

“We have recently enhanced the EPRS – our online payment facility for employers – in partnership with MyEG Philippines, to allow more payment options for employers such as electronic wallets GCash and Maya, along with debit and credit card payments.”

“The payment process has also been simplified with the EPRS. Kailangan lang mag-generate ang employer o ang PhilHealth Employer Engagement Representative o PEER ng Statement of Premium Accounts (SPA) para sa buwan na babayaran, pagkatapos ay piliin lang ang kanilang preferred payment option at magbayad na,” dagdag niya.

Sinabi ni Ledesma na agad na ipadadala ang payment confirmation email sa employer matapos ang matagumpay na transaksyon.

“Maaari pong i-access ng ating employers ang EPRS sa PhilHealth website, https://eprs01.philhealth.gov.ph,” aniya pa.

Inilahad ni Ledesma na nakipagtulungan ang PhilHealth sa MyEG Philippines para suportahan ang Republic Act No. 11032, o Ease of Doing Business and Efficient Government Service Delivery Act, na nag-aatas sa lahat ng government departments at agencies na iadopt ang digital payment system para sa government disbursements at collections para isulong ang mabilis na paghahatid ng mga serbisyo.

Ikinasa ng PhilHealth ang pagtanggap ng online payment sa Member Portal nito noong 2021, kung saan maaari nang magbayad ang self-earning Individuals ng kanilang kontribusyon gamit ang GCash, Maya, at credit at debit cards. RNT/SA

PhilHealth sa mga employer: Kontribusyon ng mga empleyado, i-remit sa tamang oras
Source: Filipino Pinoys