74 bakwit nakauwi na galing Sudan OWWA

MANILA, Philippines- Nakauwi na sa Pilipinas ang 74 pang Pilipino mula sa Sudan, ayon sa Overseas Workers Welfare Administration (OWWA) nitong Huwebes.

Dumating sila sa Ninoy Aquino International Airport Terminal 1 nitong Huwebes mula sa Riyadh, Saudi Arabia at sinamahan ni OWWA Administrator Arnell Ignacio.

Sinalubong sila ni Senator Raffy Tulfo, chairman ng Senate Committee on Migrant Workers, at mga opisyal ng Department of Foreign Affairs, Department of Migrant Workers, at ng OWWA.

May kabuuang 182 Pilipino ang nakauwi na mula sa Sudan.

Bahagi ang 74 arrivals ng grupo ng 152 Pilipino na nakatakdang pauwiin ngayong linggo. RNT/SA

74 bakwit nakauwi na galing Sudan – OWWA
Source: Filipino Pinoys