20-hour power outages sa OccMin, reresolbahin sa loob ng 2 buwan – NEA

MANILA, Philippines – Nangako ang National Electrification Administration (NEA) na sosolusyunan nito ang araw-araw na 20 oras na kawalan ng kuryente sa Occidental Mindoro.

“I will be flying in tomorrow to see for myself the situation of the PSI powerplant [in San Jose, Occidental Mindoro], if it has [indeed] dependable capacity of six megawatts. If it can deliver and discharge already, I will contract them to discharge the six megawatts,” sinabi ni NEA administrator Antonio Mariano Almeda sa isang press conference.

Ang anunsyo na ito ay kasunod ng paglalagay ng probinsya sa state of calamity dahil sa power outages.

“NEA will be the one to lease the power plant to augment the power [supply and address the] shortage,” dagdag niya.

Iniulat din ni Almeda na naglabas na ang Department of Energy already ng certificate of exemption o EPSA (emergency power supply agreement) kung saan pinapayagan ang pamahalaan na pumasok sa kontrata kasama ang DMCI para sa karagdagang power supply.

Aniya, sa ilalim ng kontrata ay magbibigay ng 17 megawatts na suplay ng kuryente.

“DMCI promised to roll out 10 megawatts in a matter of 30 days, [and another] seven megawatts in two months,” pahayag ni Almeda.

Inatasan na rin umano niya ang mga kooperatiba na may hawak sa apat na modular generator sets na may tig-two-megawatt capacity upang ipadala sa Occidental Mindoro Electric Cooperative (Omeco) at suplayan ng kuryente ang mga ospital at pampublikong paaralan. RNT/JGC

20-hour power outages sa OccMin, reresolbahin sa loob ng 2 buwan – NEA
Source: Filipino Pinoys