13 lugar isinailalim sa Signal No. 1 sa bagyong Amang

MANILA, Philippines – Itinaas na sa Tropical Cyclone Wind Signal (TCWS) No. 1 ang 13 lugar sa bansa dahil sa Tropical Depression Amang habang nananalasa ito sa Catanduanes.

Ayon sa 11 a.m. bulletin ng PAGASA nitong Miyerkules, Abril 12, nasa ilalim ng TCWS No. 1 ang mga sumusunod na lugar:

Catanduanes
Sorsogon
Albay
Camarines Sur
Camarines Norte
Burias Island at Ticao Island

Laguna (Liliw, Magdalena, Majayjay, Luisiana, Cavinti, Pagsanjan, Santa Cruz, Lumban, Kalayaan, Paete, Pakil, Pangil, Siniloan, Famy, Santa Maria, Mabitac, Pila)

Quezon (City of Tayabas, Pitogo, San Andres, Buenavista, San Francisco, Calauag, Pagbilao, Infanta, Lopez, Catanauan, Mulanay, Guinayangan, Unisan, General Luna, Plaridel, Quezon, Alabat, Lucban, Sampaloc, Padre Burgos, Macalelon, Mauban, General Nakar, Perez, Agdangan, Gumaca, Atimonan, Real, San Narciso, Tagkawayan) including Polillo Islands

Rizal (Tanay, Pililla, Jala-Jala, Rodriguez, Baras, City of Antipolo)
Bulacan (Norzagaray, Doña Remedios Trinidad)

Aurora

Nueva Ecija (Gabaldon, Bongabon, Laur, General Tinio)

Samantala, napanatili ng bagyong Amang ang lakas ng hangin nito na 45 kilometro kada oras malapit sa gitna at pagbugso na aabot sa 55 kilometro kada oras.

Kikilos ang bagyo sa direksyong northwestward sa susunod 12 oras at tatawid sa Camarines Sur, Lamon Bay, at Quezon na may posibilidad din ng pagdaan malapit sa Polillo Islands.

Sa kabila nito, posible namang magbago pa ang direksyon ng bagyong Amang dahil sa mahina at disorganized nature nito.

“The tropical depression is forecast to weaken into a low pressure area by tomorrow, possibly earlier, due to the combined effects of land interaction, dry air intrusion, and increasing vertical wind shear,” ayon sa PAGASA.

Sa susunod na 24 na oras, makararanas ng nasa 50 hanggang 100 milimetro ng ulan ang Camarines Norte, Camarines Sur at Quezon habang 50-100 mm din ang matatanggap na ulan sa susunod na tatlong oras ng
Calabarzon, Metro Manila, Tarlac, Pampanga, Bulacan, Camarines Norte, Camarines Sur, at southern portion ng Aurora.

“Under these conditions, isolated flashfloods and rain-induced landslides are possible, especially in areas that are highly or very highly susceptible to these hazard as identified in hazard maps and in localities that experienced considerable amounts of rainfall for the past several days,” ayon pa sa PAGASA. RNT/JGC

13 lugar isinailalim sa Signal No. 1 sa bagyong Amang
Source: Filipino Pinoys