Mental health meeting, pinangunahan ng DOH

MANILA, Philippines – Pinangunahan ni Department of Health officer-in-charge Maria Rosario Vergeire ang 18th Philippine Council for Mental Health Meeting na dinaluhan ng Department of Education (DepEd).

Binigyang-diin ni Vergeire ang pagsisikap ng DOH-Health Promotion Bureau (DOH-HPB) sa higit pang pagtataguyod ng Healthy Learning Institution (HLI) Strategies para sa karagdagang pagsasakatuparan ng Mental Health Act alinsunod sa Universal Health Care.

Kasama rin sa tinalakay sa pagpupulong ang legislative efforts upang ma-institutionalize ang school-based mental health programs sa mga paaralan.

“This is to emphasize that mental health is more than the presence or absence of mental health disorder and will take more than counseling and clinical interventions,” ayon sa DOH.

Bukod dito, ang pagbuo ng steering committee para sa National Mental Health Week Celebration ay tinalakay upang palakasin ang alyansa ng lahat ng mga kinauukulang stakeholder sa pagtataguyod ng Mental Health Act.

Iniharap din ng DepEd ang kanilang mga panukala kaugnay ng Mental Health Program.

“Stigma and discrimination continue to hamper us from maximizing our mental health services and programs. Recognizing these challenges, we have adopted a non-specialized approach to bring mental health services closer to the communities, na tinitiyak na ang pangangalaga sa kalusugan ng isip ay magagamit para sa lahat ng yugto ng buhay sa iba’t ibang mga setting at antas ng pangangalaga,” sabi ni Vergeire. Jocelyn Tabangcura-Domenden

Mental health meeting, pinangunahan ng DOH
Source: Filipino Pinoys