Pacquiao ikinonsidera sana bilang VP ni Bongbong – Imee

MANILA, Philippines – Ikinonsidera sana ng kampo ni presidential aspirant at dating Senador Ferdinand ‘Bongbong’ Marcos Jr. ang pagkuha ng kaniyang vice presidential candidate na isang kilalang personalidad mula sa Visayas o Mindanao, kabilang na si Senador Manny Pacquiao.

Ito ang inihayag ng kapatid nito na si Senador Imee Aquino na ngayon ay naghahanap pa rin umano ng running mate.

“Very obvious naman yung preference namin, sinasabing may ‘Solid North,’ mas malakas kami sa norte. Si Bongbong may [National Capital Region] din, malakas din naman kahit paano. Tapos Region 8. Pero medyo takot sa Mindanao, medyo bulag kami doon,” sinabi ni Imee sa panayam ng TeleRadyo ngayong Miyerkules, Oktubre 27.

“So naturally we’re tending towards the Mindanao and VisMin candidates,” dagdag pa niya.

Dagdag pa nito, naikunsidera rin umano ng kampo ni Bongbong na kunin si Pacquiao na kaniyang running mate kung sakali man na iatras nito ang presidential bid.

Matatandaan na si Pacquiao ay tatakbo sa pagkapangulo katambal si House Deputy Speaker Lito Atienza bilang vice presidential candidate.

“There’s also the option…we also like the idea, syempre taga-Mindanao din, kung magi-slide naman si Sen. Pacquiao. Taga-Mindanao din ‘yan, super popular din at kaibigan naman natin yan kahit na may pitik pitik lately,” pahayag pa ng Senador.

“Di na kami balat sibuyas pag medyo may bumibira, alam mo naman sa kasagsagan sa init ng halalan, OK lang,” dagdag ni Imee.

Hindi na binanggit pa ng senador ngunit kung babalikan ay binira ni Pacquiao ang pamilya niya na ipinababalik ang ‘nakaw na yaman’ umano at pang-aabuso noong rehimeng Marcos. RNT

Pacquiao ikinonsidera sana bilang VP ni Bongbong – Imee
Source: Filipino Pinoys