No. 4 most wanted person sa Parañaque tiklo sa manhunt operation

MANILA, Philippines – Arestado sa isinagawang manhunt operation ng mga tauhan ng Warrant and Subpoena Section (WSS) ng Parañaque City Police Station (CPS) ang isang rape suspect na tinaguriang No. 4 wanted person sa lungsod.

Kinilala ni Parañaque City police chief P/Col. Renato Ocampo ang inarestong suspect na si Louie Gee Cimafranca, 30.

Sinabi ni Ocampo na nadakip ang suspect sa isinagawang manhunt operation ng mga miyembro ng WSS dakong alas 5:10 ng hapon sa kahabaan ng Dr. A. Santos Avenue, Barangay San Dionisio, Parañaque City.

Ayon kay Ocampo, ang pagkakaaresto kay Cimafranca ay bunsod sa inilabas na warrant of arrest na inisyu ni Parañaque City Regional Trial Court (RTC) Judge Moises Domingo De Castro ng Branch 10 na isang family court.

Inilabas ni De Castro ang warrant of arrest laban kay Cimafranca nitong Oktubre 27 na walang rekomendasyon ng piyansa dahil sa kasong rape.

Si Cimafranca ay kasalukuyang nakapiit sa Parañaque City police custodial facility. James I. Catapusan

No. 4 most wanted person sa Parañaque tiklo sa manhunt operation
Source: Filipino Pinoys