US, Japan, Australia suportado ang Pinas sa Ayungin incident

MANILA, Philippines- Nagpahayag ng suporta ang tatlong powerhouse nations sa Pilipinas at sa  2016 arbitral victory nito kasunod ng insidente sa Ayungin Shoal.

Base sa pahayag ng Estados Unidos nitong Biyernes, nananatili umano itong kaalyado ng Pilipinas sa isyu ng South China Sea.

“The United States strongly believes that PRC (People’s Republic of China) actions asserting its expansive and unlawful South China Sea maritime claims undermine peace and security in the region,” ani US State Department spokesperson Ned Price.

Nagbabala rin siya na “an armed attack on Philippine public vessels in the South China Sea would invoke US mutual defense commitments under Article IV of the 1951 US-Philippines Mutual Defense Treaty.”

Matindi namang tinutulan ng Japan ang mga pagtatangka na guluhin ang status quo sa region’s waters.

“Compliance with the 2016 arbitral award and the principle of peaceful settlement of disputes based on international law, UNCLOS, are vital for peace and prosperity for the region,” ayon sa Japanese embassy sa Manila.

Nagpahayag din ng pag-aalala ang Australia sa kamakailang insidente sa pinag-aagawang teritoryo, at binigyang-diin na patuloy itong makikipagtulungan sa Pilipinas ukol sa maritime issues.

Kamakailan ay naiulat ang pagharang at pagbomba ng water cannon ng tatlong Chinese Coast Guard vessels sa dalawang bangka ng Pilipinas na patungo sa Ayungin Shoal upang magdala mng mga suplay. RNT/SA

US, Japan, Australia suportado ang Pinas sa Ayungin incident
Source: Filipino Pinoys