MMFF 2021, tuloy na tuloy na!

MANDALUYONG, Philippines – “MMFF 2021, tuloy na tuloy kahit ano’ng mangyari; official entries, mapapanood na sa mga sinehan”

‘Yan ang headline sa isang entertainment website kung saan nagsusulat ang mismong publicist ng Metro Manila Filmfest na si Noel Ferrer. At dahil siya mismo ang nagbabalita, ‘di pwedeng pagdudahan ang ulat n’ya.

“Off hand, there are 19 finished film submissions and the selection committee shall be evaluating them in order to come up with the 8 official entries which will be announced in the next two weeks,” paniniguro pa ni Noel sa kanyang ulat bilang bahagi ng writing team na binansagan ang mga sarili na PEP Troika.

Malamang na sabay sa pagri-release ng official entries ang pag-a-announce ng listahan ng selection commitee ng festival.

Iginiit din ni Noel na ang MMDA/MMFF Executive Committee, na pinamumunuan ni MMDA chairman Benhur Abalos, ang siyang pinakamasigasig na nagtrabaho para makumbinse ang Inter-Agency Task Force na pumayag nang buksan ang mga sinehan para sa “biggest, most popular, and longest-running local filmfest… despite the pandemic.”

Saad ni Noel: “Ang MMDA, kasama ng member mayors, ang diretsong gumawa ng mga feasibility studies sa IATF para makumbinsi at ma-approve ang pagbubukas muli ng mga sinehan.”

Dagdag pa ni Noel: “Earlier on, the MMDA/MMFF has helped vaccinate film industry members, production companies and our partner-theater operators to ensure the safety and welfare of our stakeholders, and attempt to restart our economy by pressing to the IATF (where MMDA is a part of) the reopening of the cinemas.”

Samantala, ayon naman sa ka-Troika ni Noel na si Jerry Olea:” Sa MMFF this year, wala pa ring bagong pelikula sina Senator Bong Revilla, Vic Sotto, at Vice Ganda.

Puwede namang magmaganda ang Mudrasta ni Roderick Paulate, sa direksiyon ni Julius Alfonso.”

Well, mag-i-enjoy din naman siguro ang madla sa Kapaskuhan dahil, at least, makakapasyal sila sa mga mall na may mga sinehan. Danny Vibas

MMFF 2021, tuloy na tuloy na!
Source: Filipino Pinoys