Robredo nakipagkita kina Lacson, Sotto para sa 2022 poll – Drilon

MANILA, Philippines – Kinumpirma ni Senator Franklin Drilon ngayong Linggo, Oktubre 3 na nakipagkita si Vice President Leni Robredo kina presidential at vice presidential aspirants Senador Panfilo Lacson at Senate President Vicente Sotto III para pag-usapan ang plano sa Halalan 2022.

Plano kasi sana ni Robredo na pagkaisahin ang oposisyon.

“Yes, I confirm a meeting took place with Sen. Ping and Sen. Tito. I was part of the continuing effort of VP Robredo to unite the opposition. No agreement was reached,” sinabi ni Drilon sa panayam ng ABSCBN.

Posible pa umano ang pakikipagkitang muli ni Robredo pero wala pang petsa kung kailan ulit ito mangyayari.

“In my personal opinion, I think she is inclined to run for president, but it is best that you ask her. To emphasize, I am expressing my personal opinion,” dagdag ni Drilon.

Bagamat hindi pa nagkakaroon ng pinal na desisyon si Robredo kung tatakbo ba bilang presidente, naghihintay na umano ang 1Sambayan na tatanggapin nito ang nominasyon para sa kaniya na tumakbong presidente sa susunod na taon.

“We told VP Leni we would respect whatever decision she will make whether she will run or not. So we are not here to push or put pressure on her… Nagpasalamat siya sa aming nominasyon at humingi rin siya ng panahon,” pahayag naman ni 1Sambayan convenor Howard Calleja.

Sa oras na tanggapin ni Robredo ang kanilang nominasyon, plano ng 1Sambayan na magkaroon siya ng kakaibang katandem o ‘different mix’ ayon kay Calleja.

“Kahit naman may na-endorso kami, we always say we are also flexible. And should there be a different mix, we will reconvene and meet and choose,” aniya. RNT

Robredo nakipagkita kina Lacson, Sotto para sa 2022 poll – Drilon
Source: Filipino Pinoys