Rondina, Gonzaga, Pons, Rodriguez handa na sa SEAG beach volley

MANILA, Philippines – Pangungunahan nina SISI Rondina at Jovelyn Gonzaga, mga nagwagi sa Volleyball World Beach Pro Tour Futures, ang women’s beach volleyball squads sa 32nd Southeast Asian Games sa Mayo.

Inanunsyo ng Philippine National Volleyball Federation ang komposisyon ng national indoor at volleyball team noong Linggo.

Si Rondina, isang four-time UAAP Beach Volleyball MVP, ay kakatawan sa Pilipinas sa beach volley competition sa ikatlong pagkakataon, habang si Gonzaga ay maglalaro ng outdoor volleyball sa ikalawang pagkakataon matapos makakita ng aksyon sa women’s indoor mula 2015 hanggang 2019.

Kasama nina Rondina at Gonzaga sina Bernadeth Pons at Dij Rodriguez.

Sina Alnakran Abdilla, Jaron Requinton, Jude Garcia at James Buytrago ang bubuo sa men’s beach volleyball squad na tinuturuan ni Joaa Simao Barbosa ng Brazil.

Ang Philippine men’s and women’s volleyball teams ay pumangatlo sa 2019 SEA Games sa Subic at sa Hanoi SEA Games noong 2022.

Ang beach volleyball competition ay nakatakda sa Mayo 11 sa Otres Beach sa Preah Sihanouk (Sihanoukville) Province, Cambodia na may finals sa Mayo 16.JC

Rondina, Gonzaga, Pons, Rodriguez  handa na sa SEAG beach volley
Source: Filipino Pinoys