Nene patay matapos malunod sa Maynila

MANILA, Philippines – Wala nang buhay nang matagpuan ang isang 13-anyos na estudyante matapos umanong lumusong at maligo sa breakwater ng Happyland sa Tondo, Maynila.

Kinilala ang biktima na si Kyshia Nicole Malbas y Balanquit, nakatira sa Capulong St, Brgy. 108, Tondo, Maynila.

Base sa pahayag ng kapatid ng biktima na si Kian, habang sila ay lumalangoy sa breakwater ng Happyland ay bigla na lamang nalunod ang kanyang nakababatang kapatid.

Agad umano siyang umuwi sa kanilang bahay para humingi ng tulong kung saan agad namang sumaklolo ang kaniyang tiyuhin upang sagipin ang biktima.

Naisugod pa sa Tondo Medical Center ang biktima ngunit idineklarang dead on arrival. Jocelyn Tabangcura-Domenden

Nene patay matapos malunod sa Maynila
Source: Filipino Pinoys