Senate probe sa Oriental Mindoro oil spill umarangkada na

MANILA, Philippines – Sinimulan na ng Senado ang imbestigasyon sa nangyaring oil spill sa Oriental Mindoro noong Pebrero na dinaluhan ng halos lahat ng opisyal ng kinauukulang ahensiya at may-ari ng barkong MT Princess Empress.

Sa pahayag, tinatalakay ng Senate committee on environment, natural resources and climate change na pinamumunuan ni Senator Cynthia Villar ang Senate Resolution No. 537 at 538 kabilang ang privilege speech of Senator Francis Tolentino sae oil leak incident.

Layunin ng imbestigasyon na suriin ang pinsala at iba pang epekto ng oil spill sa lalawigan at residente ng lugar.

“It is an understatement to say that this is distressing news for the country. For one, this oil spill incident is a setback on our ongoing efforts to strengthen our ecosystem and mend our fragile biodiversity while we are undergoing the United Nations Decade on Ecosystem Restoration from 2021 to 2030,” ayon kay Villar sa pagdinig.

“Time is of the essence in order to avert further and irreparable damages,” giit pa niya.

Naganap ang oil spill noong Pebrero 28 matapos lumubog ang MT Princess Empress, isang tanker na may kargang 800,000 litro ng industrial fuel sa karagatan malapit sa Naujan town.

Umabot sa 77 coast village ang naideklara sa ilalim ng state of calamity matapos ang insidente. Naitala din ng lalawigan na umabot sa 19,000 residente ang apektado ng oil spill. Nakatakda silang bigyan ng ayuda ng Department of Social Welfare and Development. Ernie Reyes

Senate probe sa Oriental Mindoro oil spill umarangkada na
Source: Filipino Pinoys