Julian Ongpin ‘di na suspek sa pagkamatay ni Bree Jonson- PNP

MANILA, Philippines- Sinabi ng Philippine National Police (PNP) nitong Lunes na hindi na itinuturing na person of interest si Julian Ongpin sa kaso ng artist na si Bree Jonson, na natagpuang patay sa kanilang silid sa isang resort sa La Union nitong Setyembre.

Sa pahayag ng PNP, ipinaliwanag nito na walang nakitang foul play sa isinagawang imbestigasyon.

“Julian Ongpin isn’t anymore a person of interest to the case since police investigation yielded no sign of foul play to the incident,” giit ng PNP.

Dagdag pa ng pulisya, handa silang makipag-ugnayan sa isinasagawang imbestigasyon ng Department of Justice (DOJ) sa kaso.

Base kay Justice Secretary Menardo Guevarra, sinabi ng PNP na itinigil muna umano ng DOJ ang imbestigasyon nito habang hinihintay ang tugon ng PNP sa kanilang hiling na paglilinaw sa DNA result.

“We will advise PRO1 and the Forensic Group to respond to the request of DOJ regarding the DNA Report,” ani PNP Chief Police General Dionardo Carlos.

“Rest assured that we will cooperate with DOJ, should there be additional queries and requests for documents,” dagdag pa niya. RNT/SA

Julian Ongpin ‘di na suspek sa pagkamatay ni Bree Jonson- PNP
Source: Filipino Pinoys