Ina ni Bree Jonson binanatan ang pagbasura sa drug case vs Julian Ongpin

DAVAO CITY- “What happened to the war on drugs?”

Ito ang maikling caption ng isang Facebook post ni Dr. Sally Jonson, ina ng pumanaw na visual artist na si Breanna “Bree” Jonson, matapos niyang magbahagi ng isang online news article ukol sa pagbasura ng korte ng La Union sa kasong possession of illegal drugs laban kay Julian Roberto S. Ongpin nitong Lunes.

Kasama rin sa kanyang post ang pahayag na: “Selective justice!!!”

Ibinasura ng San Fernando City regional trial court (RTC) ang inihaing kaso na illegal possession of dangerous drugs laban sa anak ni dating Trade and Industry Minister at bilyonaryong negosyante na si Roberto V. Ongpin.

“Di ko pwede pangunahan ang DOJ prosec on their next move. This is the fight on drugs of the Republic of the Phils against Julian Ongpin in violating Sec 11 of RA 9165,” pahayag ni Jonson sa media.

“The decision was ridiculous/ absurd and unacceptable lalo na Julian Ongpin violated Sec 15 of RA 9165 since he tested positive for drugs (cocaine) and this was not included in PNPs charges, only the Sec 11, again because of jurisprudence excuse,” dagdag pa niya.

Kinasuhan si Julian ng illegal possession ng 12.6 grams ng cocaine na diumano’y natagpuan sa loob ng hotel room sa San Juan, La Union kung saan sila nagcheck-in ni Bree Jonson noong Setyembre 17.

Ani Jonson, “because of the incompetency of PNP in handling drug cases by not complying to Sec 21 of RA 9165 the case was dismissed. PNP’s legal excuse – di pa kasi sila nakakakita ng cocaine di daw nila alam na drugs yun.”

Pinuna rin niya ang pagiging maluwag ng korte sa paghawak sa kaso ni Julian.

“It is obvious that the court was so relaxed with Julian Ongpin’s drug case. Pag mahirap pa yan, kulong na agad,” aniya.

“Kelangan yata yakap yakap ni Julian ang drugs para masabing possession of illegal drugs. Julian and the people who defended his crimes will not escape the Divine Justice,” dagdag pa ni Joson. RNT/SA

Ina ni Bree Jonson binanatan ang pagbasura sa drug case vs Julian Ongpin
Source: Filipino Pinoys