‘Wag magpanik sa Delta subvariant —health expert

MANILA, Philippines – Hindi kailangan magpanik sa ulat na pagkaka-detect ng Delta coronavirus subvariant na kumakalat sa European countries at maging sa Israel, ayon sa infection disease expert.

Sinabi ni Dr. Edsel Salvana, miyembro ng Department of Health (DOH) Technical Advisory Group, na kailangan pa ng mas maraming pag-aaral ukol sa AY 4.2. subvariant.

“Kinakailangang pag-aralan pero di kailangang mag-panic,” aniya sa interbyu sa dzBB.

Giit ni Salvana na ang impormasyon pa lang ukol sa Delta subvariant ay pinatataas nito ang “transmissibility similar or just slightly higher than Delta.”

“Hindi siya tinuturing na formal variant. Parang Delta pa rin siya,” paglilinaw naman ni Salvana.

Hanggang sa ngayon ang Delta variant pa rin ang pinakakaraniwang nade-detect sa genome sequencing na umaabot sa 29.2%, ayon sa DOH. RNT

‘Wag magpanik sa Delta subvariant —health expert
Source: Filipino Pinoys