Shaira Diaz, proud sa paghuhubad ni Edgar Allan!

Manila, Philippines – First time para sa matinee idol na si Edgar Allan de Guzman na sumabak sa isang sexy pictorial na hindi pang press release kundi para sa isang billboard ng produktong underwear.

Ilan sa malalaking artista na naging modelo ng naturang clothing brand ay sina Dingdong Dantes, Paolo Avelino, Derrick Monasterio, Jake Cuenca, Dominic Roque at iba pa.

Ngayon ay masaya si EA dahil napasama na siya sa listahan ng ambassadors ng clothing brand na ‘yun.

“Felt really proud of myself doing this for the very first time. Hard work really pays off! Proud to announce that I am now part of the BENCH family!

“I feel confident and sexy in my hipster briefs,” say ni Edgar Allan sa kanyang post sa isang social media platform.

Ang isa sa agad na nagkomento sa post ni Edgar Allan kung saan ay hipster brief lang ang kanyang suot at nakataas ang kamay ay ang nobya niyang si Shaira Diaz, na tila may pagkagulat nang makita ang sexy pictorial ng boypren. At sa huli ay sinabing proud siya sa ginawa ng kanyang boypren.

“OMG jusmiyomarimarrr magdamit ka! Pero proud of you baba!” ang komento ni Shaira. Wally Peralta

Shaira Diaz, proud sa paghuhubad ni Edgar Allan!
Source: Filipino Pinoys