League of Provinces aapela sa gov’t; Alert Level System sa Nob. 1 ipatupad

Manila, Philippines – Umapela ang League of Provinces of the Philippines na iusod sa November 1 ang pagpapalawig ng Alert Level System sa labas ng Metro Manila.

Ayon sa kanilang presidenteng si Marinduque Governor Presbitero Velasco Jr. sa panayam ng Dobol B TV, kailangan pa ng oras ng LGUs na bumuo ng executive orders, pag-aralan ang guidelines, at ipaalam sa mga residente.

 “Hihiling kami sa IATF na huwag munang i-implement, i-defer muna. Ang tingin ko, November 1 na,” saad ni Velasco.

“Sana huwag muna ipatupad agad kasi biglang-bigla. Paggising kinabukasan, ito na, i-implement na agad.”

Maaalalang inanunsyo ng Malakanyang na sasailalim sa Alert Level 4 ang Negros Oriental at Davao Occidental.

Habang Alert Level 3 naman sa Cavite, Laguna, Rizal, Siquijor, Davao City at Davao del Norte.

Nasa Alert Level 2 naman ang Batangas, Quezon, Lucena City, Bohol, Cebu City, Lapu-Lapu City, Mandaue City, Cebu, Davao de Oro, Davao del Sur, at Davao Oriental. RNT/FGDC

League of Provinces aapela sa gov’t; Alert Level System sa Nob. 1 ipatupad
Source: Filipino Pinoys