Proposed P8.1B 2022 budget ng OP aprub na sa kumite

MANILA, Philippines – Inaprubahan na ng Senate finance subcommittee ang proposed P8.1 bilyon na budget ng Office of the President para sa 2022.

Tumagal ito ng bahagya matapos na kwestyunin pa ng ilang senador ang isyu ng ‘For Later Release’ funds o FLR budgetary items.

Si Senador Nancy Binay ang isa sa nagtanong sa mga representate ng Office of the President sa status ng FLR items sa ilalim ng 2021 General Appropriations Act o GAA.

Kabilang sa datos mula sa nakaraang budget hearing ang nasa P100 bilyon o 30% ng 2021 budget para sa mga proyekto ng Department of Public Works and Highways ang nasa ‘to be released’ status.

“Binigyan natin ng allocation ito last year as part of Build, Build, Build program. But it’s nakakagulat, mag-o-October na in a few days. And then may maririnig tayo ng P100 billion worth of projects na alam natin can generate a lot of jobs na kailangan na kailangan natin ngayon pero hanggang ngayon ‘di pa nai-implement,” ani Binay.

Isa rin sa classified na FLR items ang pondo ng Doktor Para sa Bayan Act na magbibigay ng medical scholarship sa mga aspiring doctors.

Para sa 2022, humirit ang OP ng P8.182 bilyon para sa operasyhon nito.

Sa naturang halaga, P5.143 bilyon ang laan para sa Presidential Oversight Program, P916 milyon para sa Presidential Executive Staff Services Program, P85 milyon para sa Presidential Legal and Legislative Services Program at P84 milyon para sa Presidential Advisory Program. RNT

Proposed P8.1B 2022 budget ng OP aprub na sa kumite
Source: Filipino Pinoys