FDA: Wala pang nasal spray ang may proteksyon vs COVID

Manila, Philippines – Nagbabala ang FDA Director General Eric Domingo sa publiko at sinabing wala pang nasal spray ang aprubado laban sa COVID-19.

“Sa ngayon ang available lang po sa atin na mga nasal spray ay mga ano lang po ito, panlinis ng ilong, pambigay ng kaunting proteksyon, pero sa panandaliang panahon lamang po ‘yon. At hindi pa naman po sila talaga maaaring gamitin as pampalit sa gamot o bakuna kontra COVID,” saad ni Food and Drug Administration chief Eric Domingo

“Wala pa pong COVID vaccine na nasal spray na pinapayagan sa Pilipinas o kahit saan pong parte ng mundo.”

Ang mga produktong sinasabing COVID nasal sprays ay pwedeng peke o mayroong hindi tiyak na nilalaman.

“Huwag po n’yong gagamitin at paki-report po ninyo sa FDA para mahuli po naming.” RNT/FGDC

FDA: Wala pang nasal spray ang may proteksyon vs COVID
Source: Filipino Pinoys