Nationwide postponement sa med board exams ipinanawagan

MANILA, Philippines – Nanawagan ang mga medical students na ipagpaliban na rin sa buong bansa ang Physician Licensure Examination (PLE) ngayong buwan.

Ito ay makaraang ianunsyo ng Professional Regulation Commission (PRC) na kanselado ang nakatakdang schedule ng board exam sa Setyembre 11, 12, 18 at 19 sa Metro Manila dahil sa nagpapatuloy pa ring COVID restrictions.

Ayon sa ilang mga estudyante, maging ang ibang mga probinsya rin ay nagkaroon naman ng mataas na kaso ng COVID-19.

“We reiterate that the call of our PLE takers is for postponement of the exam until our country has recovered from the staggering increase in the number of COVID-19 cases,” sinabi ni Diane Malaso, isa sa mga PLE takers, sa isinagawang press conference nitong Biyernes, Setyembre 10.

“The Physician Licensure Examination should be the light at the end of the tunnel to our future doctors and not a manifestation of a broken, inconsiderate, and unjust system. We continue to demand a comprehensive pandemic response from the government and not just band-aid and temporary solutions — we call to raise the bar of our healthcare system,” pagdidiin pa niya.

Kasalukuyan pang naghihintay ng tugon mula sa PRC kaugnay dito. RNT

Nationwide postponement sa med board exams ipinanawagan
Source: Filipino Pinoys