Supermarket sa Antipolo nasunog; pinsala nasa P35M

Manila, Philippines – Tinupok ng apoy ang isang supermarket sa Circumferential Road, Barangay San Jose sa Antipolo City, Rizal kahapon, batay sa ulat.

Pumalo naman ang kabuuang halaga ng pinsala nito sa P35 milyon.

Base kay Antipolo City fire marshal Gilbert Valdez, nag-umpisa ang sunog sa ikalawang palapag ng gusali alas-4 ng madaling-araw.

Mabilis namang kumalat ang apoy sa iba pang bahagi ng gusali kung kaya’t naabot nito ang display ng mga ibinebentang produkto.

Inakyat sa ikaapat na alarma ang sunog sa ganap na alas-5 ng madaling-araw. RNT/FGDC