Senate probe ikinasa ni Risa sa sigalot ng PhilHealth, private hospital sa payment claims

Manila, Philippines – Naghain ng isang resolusyon si Senador Risa Hontiveros na humihiling sa Senado na imbestigahan ang isyu ng payment claims  sa pagitan ng Philippine Health Insurance Corporation (PhilHealth) at private hospitals.

“Ang mamamayang Pilipino ang nalulugi sa bangayan ng PhilHealth at private hospitals. Sa bawat araw na hindi nalulutas ang isyung ito, may mga pasyenteng matinding nag-aalala kung saan kukuha ng pambayad sa ospital. The Senate must investigate because we simply cannot leave the public hanging,” ayon kay Hontiveros.

Nakatakda sa Senate Resolution NO.880, ipinalabas ng PhilHealth ang Circular No. 2021-0013 na nagsasabing “suspending payment of claims that are subject of investigations pertaining to fraudulent, unethical acts, and/or abuse of authority” sa loob ng  120 araw.

Resulta ng  direktiba, ipinahayag ng   Private Hospital Association Inc. (PHAPi) at Philippine Hospital Association (PHA) na pansamantala silang kakalas sa serbisyo ng PhilHealth kaya ipagbabawal ang miyembro na pansamantalang makakuha ng serbisyo ng kompanya kapag nagpagamot sila sa member-hospital nito.

“The temporary suspension of claims may severely impact struggling small hospitals and treatment centers, including healthcare workers who are employed in these facilities. Kung hindi ito maresolba, ang mga Pilipinong manggagawa rin ang lubos na maapektuhan,” ayon kay Hontiveros.

“Pinaghirapan nating ipasa ang Universal Health Care Act (UHC) para masiguradong lahat ng Pilipino ay may access sa health services at walang sinuman ang kailangang malubog sa utang dahil lang sa isang kapamilyang nagkasakit. Mas lalong dapat tiyakin na walang harang sa paggamit ng health services ngayong panahon ng krisis. We should not allow an impasse during this crucial time of a public health emergency,” dagdag ni Hontiveros, na pawang co-authored at co-sponsored ng UHC Act.

Sinabi ni Hontiveros na dapat maging prayoridad ang paglutas  ng isyu sa gitna ng kumpirmadong community transmission ng Delta variant at nakatuklas ng local case ng Lambda variant.

Aniya, kapag naantala  kahit sandal ang pagbabayad ng healthcare insurance, literal na may epekto ito sa  buhay at kamatayan ng pasyente partikular sa mahihirap at middle class na hindi kayang gumastos sa privatized healthcare.

“In the midst of a public health crisis, Filipinos need safety nets in public health emergencies, as well as a financial cushion on the cost of hospitalization. If no agreements are reached between PhilHealth and the private health care providers, the consequences will be borne by the Filipino people who are already reeling from the multiple burdens wrought by the pandemic,” patapos ni Hontiveros.  Ernie Reyes