Pacquiao may 22 round agenda para sa Pinas

Manila, Philippines – Ibinahagi ni Senator Manny Pacquiao ang kanyang 22-round agenda para sa Pilipinas bago pa ang kanyang anunsyong posibleng pagtakbo sa pagka-presidente sa susunod na taon. for the

 

“Sa aking pagte-train dito sa Los Angeles nakagawa po ako ng napakagandang solusyon po para sa ating bansa. Ito siguro pong solusyon na ito ipapaalam ko sa taong bayan. Napakaganda po talaga kapag ito ay nagawa sa Pilipinas uunlad po tayo,” saad ni Pacquiao sa panayam ng CNN Philippines.

Binanggit lamang ni Pacquiao ang lima rito: Eradicating corruption

• Economic growth and development

• Employment program

• Housing program

• Improving the healthcare system

Ipaliliwanag aniya ito isa-isa oras na dumating siya sa Pilipinas sa susunod na linggo.

Samantala, sinabi rin ng mambabatas na bukas siya sa mga opisyal na sasama sa kanya para sa eleksyon.

“Open po ako sa lahat ng sasama sa akin, sa lahat ng mag-agree sa akin, pero isa lang po ang kondisyon ko…kailangan pareho tayo ng goal at pag-iisip.”

“‘Pag sila ay sasama sa akin yan po ang kondisyon ko sa kanila na gagawin natin yung nagawa kong 22-rounds priority agenda for the country,” dagdag pa ni Pacquio. RNT/FGDC