COVID-19 vax ‘di toxic – FDA

MANILA, Philippines – Iginiit ng Food and Drug Administration (FDA) na hindi toxic sa katawan ang mga bakuna kontra coronavirus disease (COVID-19).

“Wala pong katotohanan ang toxicity ng pagbabakuna dahil ‘yan ang unang unang tinetest sa Phase 1 pa lamang,” saad ni FDA Director General Eric Domingo sa isang panayam sa radyo.

Punto pa nito na mahigit sa apat na bilyong katao na ang nakatanggap ng bakuna sa buong mundo.

“Hindi ito clinical trials, this is a public health measure para matigil ang COVID-19 pandemic,” aniya pa.

Sa huling tala, halos 12.56 milyong Filipino na ang nakakumpleto sa dose ng COVID vaccine. RNT/ELM