BIR pinalawig ang tax filing, payment deadline sa ECQ, MECQ areas

MANILA, Philippines – Pinalawig ng Bureau of Internal Revenue (BIR) ang paghahain ng returns at payment ng buwis pati na ang pagsusumite ng ulat sa pagitan ng Agosto 6 hanggang Agosto 20 para sa mga taxpayer na nasa enhanced community quarantine (ECQ) at modified ECQ.

Nakasaad sa Revenue Memorandum Circular (RMC) No. 91-2021, pinalawig ang deadline ng 15 calendar days mula Agosto 20.

Muli itong palalawigin ng 15 calendar days kung magkakaroon ng ekstensyon ng ECQ at MECQ.

“By providing them with this extension, taxpayers affected by quarantine restrictions need not worry much of complying with their tax obligations while helping the country take precautions to prevent the further spread of the deadly variant,” saad ni BIR Commissioner Caesar Dulay.

Maaaring magbayad ang mga taxpayer sa pinakamalapit na Authorized Agent Banks (AABs), Revenue Collection Officers (RCOs) ng RDO, at online payment. RNT/ELM