Hollis-Jefferson, Best Import; Standhardinger Best Player of the Conference

MANILA, Philippines – Inangkin ni TNT reinforcement Rondae Hollis-Jefferson at Barangay Ginebra big man Christian Standhardinger ang nangungunang dalawang individual awards sa 2023 PBA Governors’ Cup.

Si Hollis-Jefferson ay tinanghal na Best Import para sa pagpipiloto sa Tropang Giga sa finals, nakakuha ng kabuuang 1,147 puntos na may 619 puntos mula sa mga istatistika, 457 mula sa media, at 71 mula sa mga manlalaro.

Si Justin Brownlee (966) ng Ginebra ay pumangalawa sa karera habang si Cameron Clark ng San Miguel (610) at KJ Mcdaniels ng Meralco (573) ay nasa ikatlo at ikaapat na puwesto ayon sa pagkakasunod.

Samantala, si Standhardinger ay ang pinakamahusay na lokal na manlalaro matapos na hinirang na Best Player of the Conference.

Ang Filipino-German bruiser ay nakakolekta ng 1,110 puntos kasunod ang TNT gunner na si RR Pogoy, na nakakuha ng 672.

Si CJ Perez ng Beermen (561) ay nagtapos sa ikatlo habang ang pang-apat at ikalimang puwesto ay sina Scottie Thompson (497) at Jamie Malonzo (456).

Kasalukuyang naglalaro sina Hollis-Jefferson at ang Tropang Giga sa Game 4 ng best-of-seven finals series laban sa Ginebra sa hangaring i-level ang serye sa tig-dalawang laro.JC

Hollis-Jefferson, Best Import; Standhardinger Best Player of the Conference
Source: Filipino Pinoys