Pinas may 464 bagong COVID cases sa unang araw ng 2023

MANILA. Philippines- Nitong Linggo, ang Department of Health (DOH) ay nakapagtala ng 464 na bagong kaso ng COVID-19.

Ito na ang pinakamababang naitala sa isang araw at ikasampung sunod-sunod na araw na mababa sa 1,000 na bagong kaso.

Bumaba naman ang kabuuang aktibong kaso sa 13,061 habang ang caseload sa bansa ay umabot na sa 4,064,779.

Kabuuang gumaling naman ay tumaas ng 760 sa 3,986,321, habang ang mga namatay ay tumaas ng 12 hanggang 65,397.

Ang Metro Manila ay nananatiling rehiyon na may pinakamaraming kaso sa nakalipas na 14 na araw na may 3,245, na sinundan ng Calabarzon na may 1,521; Central Luzon na may 744; Western Visayas na may 395; at Ilocos Region na may 301 kaso.

Sa usapin ng mga lalawigan at lungsod, nangunguna ang Quezon City na may 771 bagong kaso sa nakalipas na 14 na araw, na sinundan ng Lungsod ng Maynila na may 426; ang lalawigan ng Cavite na may 424; ang lalawigan ng Laguna na may 400; at ang lalawigan ng Rizal na may 377.

Ang COVID-19 bed occupancy sa 1,932 na pasilidad ay nasa 17.1%, na may 4,618 na kama ang okupado at 22,467 ang bakante. Jocelyn Tabangcura-Domenden

Pinas may 464 bagong COVID cases sa unang araw ng 2023
Source: Filipino Pinoys