NTC, KBP nagtambal vs text scams

MANILA, Philippines – Nagsanib-pwersa ang National Telecommunications Commission (NTC) at Kapisanan ng mga Brodkaster ng Pilipinas (KBP) upang labanan ang talamak na mga text scam.

Sa isang pahayag nitong Biyernes, Oktubre 21 sinabi ng NTC na ang kanilang pakikipag-ugnayan sa KBP ay bahagi ng “Kontra Text Scam” program na isang information drive.

Ang KBP naman ang siyang magpapakalat ng kampanya sa mga radyo.

“The NTC acknowledged the KBP’s desire to help fight the proliferation of text scams by entering a partnership with the Commission on the airing of the radio material,” ayon sa NTC.

Eere sa mga istasyon ng radyo ng KBP ang kampanyang may linya:

“Text Scam messages na panloloko at paglilinlang! ‘Wag pansinin! ‘Wag i-click ang link! Magsumbong sa NTC sa www.ntc.gov.ph o ‘di kaya’y mag e-mail sa [email protected] Tulong-tulong laban sa text scam!”

“The NTC and the KBP’s effort is based on President Ferdinand Marcos, Jr.’s call for unity among different sectors of the country to work together for the welfare of the Filipino people,” pagtatapos ng komisyon. RNT/JGC

NTC, KBP nagtambal vs text scams
Source: Filipino Pinoys