Bucks tinuka ng Hawks sa NBA preseason game sa UAE

ABU DHABI, United Arab Emirates — Umiskor si Dejounte Murray ng 25 puntos sa kanyang debut sa Atlanta at tinalo ng Hawks ang Milwaukee Bucks 123-113 ngayon Biyernes sa unang laro ng NBA sa United Arab Emirates at Arabian Gulf.

Maglalaro ang mga koponan ng isa pang preseason game sa Sabado sa Etihad Arena.

Pinangunahan ni Giannis Antetokounmpo ang Bucks na may 19 puntos. Umiskor si Jevon Carter ng 17 puntos mula sa bench ng Milwaukee.

Nagdagdag si Murray ng siyam na assists, walong rebounds at dalawang blocked shots. Ang kanyang backcourt partner na si Trae Young ay nagdagdag ng 22 points na may tatlong assists.

Nakuha si Murray mula sa San Antonio Spurs para sa tatlong first-round pick sa pinakamalaking offseason move ng Hawks.

Nagsanib sina Murray at Young upang gumawa ng 13 sa 16 na free throw, lahat sa unang kalahati.

Itinampok sa laro ang tatlong magkakapatid na Holiday ng NBA. Si Aaron Holiday ay may 16 puntos at si Justin Holiday ay nagdagdag ng siyam para sa Hawks. Si Jrue Holiday ay may 12 puntos para sa Bucks.

Si De’Andre Hunter ay may 17 puntos para sa Atlanta.JC

 

Bucks tinuka ng Hawks sa NBA preseason game sa UAE
Source: Filipino Pinoys