Koordinasyon sa Pinas vs POGOs, paiigtingin ng Tsina

MANILA, Philippines- Handa ang Chinese government na palakasin pa ang pakikipagtulungan sa  gobyerno ng Pilipinas na nagpapatupad ng batas sa krimen na may kaugnayan sa  Philippine Offshore Gaming Operators (POGOs).

Sa isang kalatas, sinabi ni  Chinese Ambassador to the Philippines Huang Xilian  na matigas ang paninindigan ng Chinese government  na kontrahin ang sugal at gumamit ng kamay na bakal para labanan ito.

Nauna rito,  nakipagpulong si Huang  Justice Secretary Jesus Crispin Remulla na nagsabi na ipagpapatuloy ng gobyerno ng Pilipinas na tapusin ang  illegal activities sa  pakikipagtulungan sa Chinese government.

“According to the Chinese laws and regulations, gambling in whatever form by Chinese citizens, be it online gambling or gambling overseas is illegal,” ayon kay Huang sabay sabing  “Crimes induced by and associated with online gambling not only harm China’s interests and China-Philippines relations, but also hurt the intrerests of the Philippines.”

Nauna rito, may  175  kompanya ng POGO  ang ipinasara, dahilan upang mawalan ng trabaho ang  40,000 Chinese nationals at maaaring ilegal na nananatili sa bansa.

“It is appreciated that relevant Philippine law enforcement agencies rescued a number of Chinese citizens and shut down some POGO companies during their recent operations,” ayon kay Huang.

Ang mga nailigtas na  Chinese citizens ay nasa Bureau of Immigration detention facility sa Taguig City kung saan naghihintay ng kanilang deportasyon.

Sinabi ni Huang na ang  Chinese Embassy sa Pilipinas ang siyang mangangasiwa ng deportasyon at iba pang usapin  “in a constructive manner”. Kris Jose

Koordinasyon sa Pinas vs POGOs, paiigtingin ng Tsina
Source: Filipino Pinoys