Wala pang natatanggap na extradition request para kay Quiboloy- Guevarra

MANILA, Philippines- Wala pang natatanggap na extradition request mula sa pamahalaan ng Estados Unidos ang Department of Justice (DOJ) para kay Apollo Quiboloy, pinuno ng isang simbahan sa Pilipinas na kasalukuyang humaharap sa sex trafficking charges.

“As of this date, the DOJ has not received any request for extradition from the US Department of Justice nor from the US State Department through the Department of Foreign Affairs,” pahayag ni Justice Secretary Menardo Guevarra sa mga reporters nitong Biyernes.

Kinasuhan si Quiboloy, tagapagtatag ng Kingdom of Jesus Christ, at iba pang opisyal ng naturang simbahan dahil sa sex trafficking operation na nagbabanta sa mga menor mula 12-anyos ng “eternal damnation” at pisikal na abuso.

Itinanggi naman ng kampo ng televangelist ang paratang at sinabing ito ay “another vicious attempt to bring down” Quiboloy.

“We are confident and ready to face whatever is hurled against Pastor Quiboloy and the Kingdom leaders. We trust the process of justice and we certainly expect the truth to prevail and the Kingdom ministry will continue to prosper,” pahayag nito.

Ayon kay Guevarra, child abuse, ill-treatment sa ilalim ng Revised Penal Code, human through forced labor, at human trafficking through sexual abuse ang mga naunang nang isampa na kaso kay Quiboloy sa Davao City.

Subalit ibinasura lamang ang mga reklamo.

“A complaint for rape, however, was filed against him last year in Davao City, but the same was dismissed. That dismissal is now on appeal with the DOJ,” ani Guevarra.

Si Quiboloy ay kaibigan at spiritual adviser ni Pangulong Rodrigo Duterte. RNT/SA

Wala pang natatanggap na extradition request para kay Quiboloy- Guevarra
Source: Filipino Pinoys