PH-Japan strategic ties pinalakas nina Duterte, Kishida

MANILA, Philippines – Upang mas palakasin pa, ni-renew nina Pangulong Rodrigo Roa Duterte at Japanese Prime Minister Fumio Kishida ang strategic relations sa pagitan ng Pilipinas at Japan.

Ang commitment ng dalawang lider ay nangyari sa pamamagitan ng telephone conversation.

“President Rodrigo Roa Duterte and Prime Minister Kishida Fumio of Japan renewed commitment to further deepen the Strategic Partnership between the Philippines and Japan,” ang nakasaad sa kalatas ng Office of the President (OP).

Ang phone call sa pagitan nina Duterte at Kishida ay nangyari makaraang mahalal ang huli bilang prime minister ng Japan “by parliament.”

Sa pamamagitan ng phone call, binati ni Pangulong Duterte si Kishida sa muli nitong pagkaka-halal.

“The President also recalled Prime Minister Kishida’s visit in Davao in August 2016 when the latter paid a courtesy call as Foreign Minister of Japan. Prime Minister Kishida was the first Foreign Minister received by President Duterte,” ayon sa OP.

Ayon pa sa OP, sina Pangulong Duterte at Kishida, ay kapuwa sumang-ayon na magsagawa ng “exchange of visits at a mutually agreed time to further reaffirm the Philippines-Japan partnership and personal friendship.”

“They likewise exchanged views on regional developments and multilateral issues, including the South China Sea issue, the situation in Myanmar and the Korean Peninsula and non-proliferation,” ayon pa rin sa OP.

Ayon sa Malakanyang, sinabi ni Pangulong Duterte kay Kishida na ang Japan ay “indeed a friend closer than a brother,”tinukoy nito ang napapanahong tulong sa coronavirus disease 2019 (Covid-19) pandemic response at recovery efforts sa Pilipinas.

Pinasalamatan din ng Chief Executive ang Japan para sa pagsuporta sa “Build, Build, Build” infrastructure program ng bansa, sa peace process at grassroots development sa Mindanao, at sa nagpapatuloy na transition process sa Bangsamoro Autonomous Region in Muslim Mindanao.

Sa kabilang dako, kinilala ni Kishida, ang Japan’s ties sa Pilipinas “have indeed reached its golden age under President Duterte’s administration.”

Sinabi pa ng Malakanyang, na sinabihan ni Pangulong Duterte si Kishida na “looking forward” siya sa tagumpay ng mga implementasyon ng proyekto at aktibidad na naglalayong palakasin ang “Philippines’ cooperation with Japan” sa larangan ng maritime security, lalo na sa maritime domain awareness, maritime connectivity, at preservation ng marine environment.

“Japan is unrivaled among our bilateral partners,” ayon kay Kishida.

Sinabi pa ng OP, sinang-ayunan ni Kishida si Pangulong Duterte at ipinaabot dito ang kahandaan ng kanilang gobyerno na palakasin ang Japan’s partnership sa maritime security sa pamamagitan ng pagsuporta sa pag-upgrade sa “Philippines’ maritime law enforcement capabilities.”

“President Duterte and Prime Minister Kishida agreed that it is high time for the Philippines and Japan to pursue deeper security engagement and coordination by launching a Foreign and Defense Ministerial Meeting or 2+2 meeting,” ang pahayag ng Malakanyang.

Samantala, ipinagdiwang ng Pilipinas at Japan ang kanilang 65 na taong “normalized diplomatic relations” at 10 taon ng Strengthened Strategic Partnership. Kris Jose

PH-Japan strategic ties pinalakas nina Duterte, Kishida
Source: Filipino Pinoys