Pinas nakilahok sa pagkilos vs deforestation

MANILA, Philippines- Pormal na nakilahok ang Pilipinas kasama ang 100 pang bansa sa pagpirma ng deklarasyon na nangangako na ititigil at babaligtarin ang forest loss at land degradation sa 2030.

Ito ay matapos ipadala ng Department of Foreign Affairs (DFA) ang liham ni Pangulong Rodrigo Duterte sa pamahalaan ng United Kingdom (UK) na pormal na inihahayag ang pangako ng Pilipinas na wakasan ang deforestation sa 2030, na nakasaad sa ilalim ng Glasgow Leaders’ Declaration on Forests and Land Use.

Sa liham ng Pangulo kay UK Prime Minister Boris Johnson, sinabi ni Duterte na alinsunod sa ipinahayag na action areas sa Leaders’ Declaration sa mga target at layunin ng Pilipinas sa pag-abot sa sustainable forest management.

Dagdag pa ng pangulo, alinsunod din ang deklarasyon sa Philippines’ National Climate Change Action Plan 2011-2028, “particularly under Ecological and Environmental Stability that is focused on the protection and rehabilitation of critical ecosystems, and restoration of ecological services.”

“Sustainable and resilient agriculture and forestry are essential for commodity production and achieving the SDGs (Sustainable Development Goals), promoting economic development, reducing poverty, food security, and improving the livelihoods of billions of people,” giit ni Duterte.

“The Philippines believes that through collective action and efforts among countries and regions, it will be able to deliver the action areas under the Declaration, and even the targets of the United Nations (UN) Framework Convention on Climate Change and the Paris Agreement, the UN Convention on Biological Diversity, the UN Decade on Ecosystem Restoration, the UN Convention to Combat Desertification, the SDGs, and other initiatives,” dagdag pa ng Pangulo.

Ang suporta ng Pilipinas sa Leaders’ Declaration ay ayon sa rekomendasyon ni Finance Secretary Carlos Dominguez III, Chairman-designate ng Climate Change Commission at pinuno ng delegasyon ng bansa sa 26th UN Climate Change Conference of the Parties (COP26) sa Glasgow, Scotland.

Nagsama-sama ang nasa 120 lider sa COP26 kung saan ginanap ang dalawang linggo ng negosasyon ukol sa mga hakbang upang labanan ang climate change. RNT/SA

Pinas nakilahok sa pagkilos vs deforestation
Source: Filipino Pinoys