Mga ospital papayagan ng DOH bumili ng COVID investigational drugs

Manila, Philippines — Papayagan na ng Department of Health (DOH) ang mga ospital na bumili ng COVID-19 investigational drugs na aprubado na ng emergency use sa bansa, batay kay Health Undersecretary Maria Rosario Vergeire.

Partikular na rito ang Remdesivir, Tocilizumab, at Baricitinib.

 “Mayroon po kaming ilalabas na policy. This is an admin order among the investigational drugs that we are using for COVID-19 because usually ang may EUA (emergency use authorization) po kasi ay ang DOH,” saad sa online media briefing.

“We are now delegating this authority to procure doon po sa ating mga hospitals para makakagamit na sila agad-agad ng investigational drugs. We are just waiting for it to be signed tapos mag-uumpisa na tayo niyan.”

Nilinaw ni Vergeire na sakop ng administrative order ang COVID-19 investigational drugs na naisyuhan ng emergency use authorization (EUA) ng Food and Drug Administration.

Kakailanganin pa aniya ng mga ospital na mag-apply ng compassionate special permit (CSP) ng investigational drugs na walang  EUA. RNT/FGDC

Mga ospital papayagan ng DOH bumili ng COVID investigational drugs
Source: Filipino Pinoys