Pinas gagawa ng sariling Ivermectin formula – DOST

MANILA, Philippines – Gagawa ang Pilipinas sa pangunguna ng grupo sa Department of Science and Technology ng sariling ivermectin formula ng Pilipinas.

Ito ay para hindi na bumili ang bansa ng kontrobersyal na anti-parasitic drug na itinutulak ng ilang mga sektor para panlunas sa COVID-19.

“Ito ang nadesisyunan ng team, yung ivermectin capsule ay sa University of the Philippines (UP) Manila College of Pharmacy gagawin, hindi na kami bibili ng regular na formula kasi gusto namin may sarili kaming dosage,” ani DOST Undersecretary Rowena Guevarra sa interbyu sa dzBB.

Dagdag pa ni Guevarra na ang nagtulak sa kanila sa ganitong hakbang ay dahil sa pagkakabalam ng international clinical trial sa ivermectin.

Kalahok ang Pilipinas sa nasabing pag-aaral ukol sa bisa ng Ivermectin laban sa COVID-19.

“Yung (the) clinical trial management system has been established with the UP Diliman College of Engineering, ang (the) study site sa National Capital Region –Ateneo, De La Salle, UP Diliman, and the Makati Science High School  quarantine facilities,” aniya.

“Also, magre-recruit sa (we will recruit from) Region 2 and Region 11. The target in patient recruitment is within October. And Preliminary result is expected by end-December,” dagdag pa niya. RNT

Pinas gagawa ng sariling Ivermectin formula – DOST
Source: Filipino Pinoys