AIMAG inaasahang kakanselahin ng Thailand

MANILA, Philippines – Inaasahang iaanunsiyo ng Thailand ang kanselasyon Asian Indoor and Martial Arts Games’ (AIMAG) at idaraos na lamang ito sa 2023 at maging ang hosting ng Vietnam ng 31st Southeast Asian Games sa Mayo 2022.

Ayon kay Philippine Olympic Committee (POC) President Rep. Abraham “Bambol” Tolentino kahapon. “We are expecting both governments of Thailand and Vietnam to make the official announcements next week.”  Ang ika-6 na edisyon ng AIMAG na idinaraos tuwing ika-4 na taon ay orihinal na nakaiskedyul sa Marso 10-20 sa Bangkok at Chonburi, pero mukhang iaatras ito ng Thai government, ayon kay Tolentino bilang konsiderasyon sa kalusugan at kaligtasan ng lahat dahil na rin sa pandemya.

Pero ayon kay Tolentino,  ang Hanoi SEAG ay posible nang matuloy  bagamat wala pang opisyal na anunsiyo ang  Vietnamese organizers.  “I believe it would be in the latter part of May 2022,” aniya.

Dahil dito, ang dagdag niya na budget na P650 million na inaprubahan ng House at Senate sa  Philippine Sports Commission sa 2022 ay babawasan.

 Naunang hiniling ni Tolentino sa congressmen at senators ang dagdag na budget para sa general appropriations para mapondohan ang preparasyon ng mga atleta sa Beijing Winter Olympics (P5 million, February 4 to 20), AIMAG (P150 million), The World Games (P10 million, Birmingham, Alabama, USA, July 7 to 22), Huangzhou Asian Games (P270 million, September 10 to 25) at Shantou Asian Youth Games (P15 million, December 20 to 28).

Hiniling din niya ang dagdag na P200 million para sa SEA Games, kung saan ang Pilipinas ang defending overall champion. “As I have committed in my manifestation during the budget hearing for the PSC, the budget for any of these games that will be canceled or postponed will have to be excluded or returned to the National Treasury.”  Rico Navarro

AIMAG inaasahang kakanselahin ng Thailand
Source: Filipino Pinoys