Bakunadong mga Pilipino umakyat na sa 42.1M

MANILA, Philippiens – Umabot na sa 42.1M doses ng COVID vaccine ang naipamahagi sa mga Pilipino, ayon sa National Task Force Against COVID-19.

Sa nasabing bilang, nasa 23,107,813 dito ang nakatanggap na ng paunang bakuna at 19,023,958 naman fully vaccinated na.

Mas pinalawak naman ang pagbabakuna sa mga nasa priority group tulad ng mga health care worker at senior citizen na may mga iniindang karamdaman.

Samantalang bumaba naman ang bilang ng mga nabakunahan araw-araw sa 371,671 kumpara sa 407,696 na naitala sa huling pitong araw nitong Setyembre.

“We are continuously working on increasing our vaccine inventory to achieve our goal of completely inoculating 77 million of the country’s total population by year-end” ani Vaccine czar Carlito Galvez Jr.

Aniya, umabot sa 30 milyong bakuna ang naipamahagi sa mga Pilipino kada buwan. RNT

Bakunadong mga Pilipino umakyat na sa 42.1M
Source: Filipino Pinoys