Ph ‘di na kulelat sa internet connectivity — DICT

MANILA, Philippines—Ibinahagi ni Department of Information and Communications Technology (DICT) Secretary Gringo Honasan na ang Pilipinas ay hindi na kulelat pagdating sa usaping internet connection.

Ayon kay Honasan, tumaas ang connectivity ng fixed broadband ng halos 700 porsyento habang ang mobile broadband naman ay 300 porsyento.

“Our connectivity programs have improved by 700 percent sa fixed at saka more than 300 percent sa mobile. Di pa po tayo nasa itaas, pero ‘di na tayo kulelat ngayon,” lahad ni Honasan.

Nabanggit niya rin na sinisimulan na ng ahensyang kumbinsihin ang telecommunication companies na balansehin ang income at public interest.

“Nakukumbinse na po namin yung mga telco na magtulungan tayo dito. Hindi na po pinaguusapan dito yung kikitain dahil the telecommunications industry is so big that you can actually moderate your greed,” aniya.

“Pwedeng timplahin naman yung corporate objective at tsaka public interests component nito. Nakukumbinse na po natin sila at big kong ibalita sa inyo tumutulong na sila sa atin. Maybe with a little back-up, we might develop some traction here.”

Sa tala ng DICT sa buwan ng Mayo, ang fixed broadband speed ng Pilipinas ay 58.73 megabits per second (Mbps) habang ang mobile speed naman ay 31.97 Mbps. RNT/RG

Ph ‘di na kulelat sa internet connectivity — DICT
Source: Filipino Pinoys