Isyu sa bidding process ng DOH; Duterte naghamon: ‘Ako ipakulong nila!’

MANILA, Philippines – “Ako ang nag-utos, ako ipakulong nila.”

Inamin ni Pangulong Rodrigo Roa Duterte na siya ang nag-utos kay Health Secretary Francisco Duque III na laktawan ang bidding process sa pagbili ng personal protective equipment (PPE) sa panahon ng COVID-19 pandemic.

“Ako ang nag-utos kay Duque. Noong nandito kami, ginanun ko ‘I want it done immediately’ sabi ko sa kanya it’s not a month, it’s one day, two days ka lang.’ Ako ang nagsabi sa kaniya ‘I am sure there is a law which would exempt you from bidding.’ Madalian ito, pandemic eh,” ang litanya ni Pangulong Duterte sa kanyang taped national address.

Ang dahilan ni Pangulong Duterte, ang karaniwang bidding process ay umaabot ng 30 araw kung saan sa panahon ng pandemiya ay kailangang madaliin ang suplay laban sa pandemiya na puminsala sa bansa. Kris Jose

Isyu sa bidding process ng DOH; Duterte naghamon: ‘Ako ipakulong nila!’
Source: Filipino Pinoys