Go-Duterte tandem, kasado na ng PDP-Laban sa 2022 elections

MANILA, Philippines – Opisyal nang hinirang ng PDP-Laban, Cusi faction si Sen. Bong Go bilang 2022 election standard-bearer ng partido.

Ang paksyon na ito ay siya ring sumuporta kay Pangulong Rodrigo Roa Duterte bilang running mate ni Go sa Eleksyon 2022.

Bagama’t hindi ipinakita ang nangyaring nominasyon kina Go at Pangulong Duterte subalit sinabi ng isang opisyal ng PDP-Laban faction sa pangunguna ni Energy Secretary Alfonso Cusi na sina Go at Duterte ay “proclaimed as candidates.”

Para naman sa kanilang senatorial slate ay kasama sina Labor Secretary Silvestre Bello III, Presidential Legal Counsel Salvador Panelo, DoTr Sec. Arthur Tugade at Congresswoman Lucy Torres-Gomez.

Magsisilbi namang guest candidates sina Presidential spokesperson Harry Roque Jr., DPWH Sec. Mark Villar, PACC chairman Greco Belgica at Congressman Rodante Marcoleta.

Go-Duterte tandem, kasado na ng PDP-Laban sa 2022 elections
Source: Filipino Pinoys