24-anyos na beautician, tiklo sa nakaw na toblerone

MANILA, Philippines – Arestado ang 24 anyos na beautician nang magnakaw ito ng toblerone o chocolate sa loob ng isang drug store kamakalawa (Agosto 27) ng umaga sa San Juan City.

Kinilala ng pulisya ang nadakip na si August Leo Quiambao, nasa hustong gulang.

Dakong 8:00 ng umaga August 28,pumasok umano ang suspek sa store at nagpanggap na costumer sa Brgy. Rivera sa nabanggit na lungsod.

Ayon sa Security officer na si Ferdinand Talamisan, kinuha ng suspek ang 2 piraso ng toblerone na nagkakahalaga ng P232. 00 at nilagay sa dala nitong bag.

Mabilis umanong lumabas ng store ang suspek ng hindi binayaran ang mga nabanggit.

Dito na umano hinarang ng sekyu ang suspek at hiningi ang resibo ngunit wala itong maipakita.

Narekober sa suspek ang chocolate at nakatakdang kasuhan ng qualified theft habang nakapiit sa detention cell. Rene Tubongbanua