Pagpatay sa founding member ng NUPL, pinaiimbestigahan ng DOJ

Manila, Philippines – Pinakilos na ni Justice Sec. Menardo Guevarra ang National Bureau of Investigation kaugnay sa pagpatay sa abogadong si Rex Jesus Mario Fernandez sa Cebu City

Sa inilabas na department order ni Guevarra, inatasan ang NBI na magsagawa ng case build-up sa pagpaslang kay Fernandez noong Huwebes habang lulan ng kanyang sasakyan sa Brgy. Guadalupe, Cebu City.

Mahigpit ang tagubilin ng kalihim na makakuha ng matibay na ebidensya para matukoy agad ang salarin upang masampahan ng reklamo.

Si Fernandez ay founding member ng National Union of Peoples’ Lawyers at  tumatayong abogado ng ilang aktibista.

Kamakailan ay nagsagawa ng hunger strike si Fernandez bilang protesta sa pagputol ng suplay ng tubig sa kanyang condominium unit. Teresa Tavares