Mas maraming health workers makakukuha ng risk allowance – DOH

Manila, Philippines – Nilinaw ng Department of Health na mas maraming health workers ang mabibigyan ng special risk allowance (SRA) makaraang mailabas ang pondo ng Department of Budget and Managemen.

Sinabi ng DOH na nailabas na ng DBM ang 311 milyong dagdag benepisyo para sa panibagong 20,208 health workers.

“Huwag po kayong mag-alala at madadagdagan pa itong bilang ng healthcare workers na makakatanggap ng SRA sapagkat kasalukuyan tayong nakikipag-ugnayan sa iba’t ibang LGU at private hospitals,” saad ni Health Undersecretary Leopoldo Vega.

“Nakikiusap po kami na ang mga ospital at health facilities ay makipagtulungan sa kani-kanilang mga CHD upang makapag-submit ng kanilang mga requirements.”  RNT/FGDC