5 bangkang nag-illegal fishing sa Cayogno, Paniman kinumpiska ng PCG

Manila, Philippines – Kinumpiska ng Philippine Coast Guard (PCG) ang limang motorbanca na nagsasagawa ng illegal fishing sa paligid ng Cayogno at Paniman sa Ternate Cavite.

Sakay ng mga motorbanca ang 31 local na mangingisda na lumabag sa Municipal Ordinance No. 2, Series of 2011 dahil sa pangingisda na walang lisensya at permit.

Bukod dito, gumamit pa ng air compressors sa kanilang pangingisda.

Kinumpiska ng PCG ang lahat ng ginagamit nila sa pangingisda habang nagsasagawa ng imbestigasyon.

Ayon sa PCG, nanatiling aktibo sa pagsasagawa ng seaborne patrol upang mapigilan ang iligal na pangingisda at iba pang aktobidad sa katubigan  ang PCG Station Cavite, Coast Guard Intelligence Unit Cavite, Coast Guard Sub-Station Ternate, at Coast Guard Sub-Station Maragondon sa koordinasuon ng  munisipalidad ng  Ternate. (Jocelyn Tabangcura-Domenden)