Occupancy rate ng COVID bed nasa 50% na

Manila, Philippines – Umakyat na sa higit  50 porsyento ang occupancy  rate ng COVID-19 dedicated beds sa bansa.

Ayon sa kay Health Usec Maria Rosario Vergeire, okupado na ang 58.3 percent ng mahigit 37-libong kama na inilaan para sa mga tinamaan ng Covid 19 sa bansa .

Ito ay batay sa datos ng DOH hanggang nitong August 9.

Kaya bilang paghahanda sa posibleng pagdami pa ng tatamaan ng COVID-19 ay nagdaragdag na ng mga quarantine facility

Kasabay nito, nanawagan si Vergeire sa asymptomatic at mild cases ng sakit na sa quarantine facilities tumuloy.

Ito ay para manatiling bukas ang mga ospital para sa mga severe at kritikal ang kondisyon

Mayroon din naman aniyang mga hotel na nagsisilbing temporary treatment and monitoring center na binabantayan ng mga doktor at nurses para sa mga asymptomatic at mild cases. (Jocelyn Tabangcura-Domenden)