Mga kagubatan sa Pinas pinag-aaralan sa suplay ng pabango

MANILA – Pinag-aaralan na ng Department of Science and Technology-Forest Products Research and Development Institute (DOST-FPRDI) ang potensyal ng mga kagubatan sa bansa na makabuo ng mga flavor ng pabango.

Sinabi ni DOST Secretary Fortunato “Boy” T. de la Peña na ang FPRDI ay bumubuo ng programang “Fragrances and Flavors from the Forest Technology Program” o ang F3TP na naglalayon sa responsableng pagpuputol ng mga punong hindi pangtroso sa kagubatan upang gawing flavor ng pabango.

“The goals of the program are to develop protocols for sustainable and responsible harvesting of non-timber forest products (NTFPs) for flavors and fragrances; upgrade and transfer the FPRDI-developed extractor; and establish R&D (research and development) facilities for the development of technologies and products for flavors and fragrances,” ayon kay Fortunato.

Dagdag pa niya, ang mga puno sa kagubatan, pangtroso man o hindi, ay maaaring magamit sa paggawa ng pabango at nagbibigay ng maraming uri ng flavor nito.

“Among these include gums, resins and oils which are commercially important non timber forest products and tannins which can also be extracted from barks, leaves and wood and re-used to enhance flavors of some beverages like wine, beer, fruit juice and teas,” paliwanag ni Fortunato.

Binigyang diin din niya na ang paggawa ng mga pabango ay isa sa mga pinakakumikitang produkto sa merkado.

“In 2018, its global market value amounted to around US$ 20 billion and is projected to reach more than US$ 30 billion by 2025,” aniya.

Ayon pa sa DOST chief, ang nangunguna sa listahan ng pinakamayayamang bansa sa industriya ng mga pabango ay ang Europa, Africa, Middle East, North America, Asia-Pacific at South America habang ang mga bansa naman ng China, India, Russia at Central America ay nagsisimula pa lamang na umangat sa merkado. -RNT/Ethel Mangao -trainee