US sa Pinas: Gumawa ng sariling desisyon; ‘di pipiliting pumanig

MANILA, Philippines- Sinabi ng Estados Unidos na suportado nito ang independent foreign policy ng Pilipinas at hindi pipilitin na pumanig sa gitna ng nakikinitang geopolitical rivalry sa pagitan ng Washington at Beijing.

Sinabi ni US Assistant State Secretary for East Asian and Pacific Affairs Daniel Kritenbrink sa isang forum na inorganisa ng US Embassy sa Maynila at ng De La Salle University na ang Pilipinas ay malayang magdesisyon ukol sa national interest nito.

“Everywhere I go I would be asked, ‘Are you trying to force us to choose between you and China?’ That’s not our game,” ani Kritenbrink.

“We don’t want you to choose, we want you to have choices. We want you to be able to make your own decisions and free from coercion. If you can do that, we can do that, together we are better off,” dagdag na wika nito.

Si Kritenbrink ay nasa Pilipinas para sa 10th Bilateral Strategic Dialogue.

Ang ministerial meetings ay policy-level platforms para sa Pilipinas at Estados Unidos para talakayin ang alliance management at gamut ng “political, security, at economic cooperation.”

Sinabi pa ni Kritenbrink ang kahalagahan ng US Indo-Pacific strategy, isama ang pagpapasigla sa relasyon sa mga kaalyado at partners kabilang na ang Pilipinas. Kris Jose

US sa Pinas: Gumawa ng sariling desisyon; ‘di pipiliting pumanig
Source: Filipino Pinoys